Voorstse Volkslied
Wijs: Waar der beuken brede kronen.

Woar de weg deur korenvelden
En langs grüne weiens geet,
Woar vee rustig löp te weien,
Onder hoge peppels steet,
Woar zo hier en doar un huusken
Deur ut gruun van beumen stek,
Doar is Voorst, ut mooiste pleatsken
Dat mien steeds gelukkig mek.

Woar ut water van de Aa-Strang
Ruisend deur ut sluusken streumt,
Woar de mens noa vlietig warken
Mijmrend op zien hekken leunt,
Woar de vogels blieven bruuien,
Hun gezang de stilte brek,
Doar is Voorst, ut mooiste pleatsken
Dat mien steeds gelukkig mek.

Waor de kermis, met de Pinksteren
Nog gezaamlijk wud gevierd,
Woar nog steeds ut vaandelzwaaien
E ut schieten weeldrig tiert,
Woar m'elkander blif waarderen
En de Eendracht blif bestoan.
Dat is Voorst, ut mooiste pleatsken
Nooit za'k noa den vremde goan.


Lied welke gezongen is bij de de start van het officiele begin van de restauratie van de "Voorste Molen".
Wijs: In de mooie Kempen

Al zo vól deur de joaren heer,
heel vól mooie dingen bunt d'r al niet meer.
Most altied moar beter, weg den olden tied,
alles most toen anders, moar zo werkt dat niet.

Tis now gelukkig anders, met gezond verstand,
hold wi'j mooie dingen van vrogger in stand.
Niet nólen niet drammen, kómt allemaol goed,
de scholders d'r onder, gin rare dingen doen. (1e refrein 2x)

De mól den mot weer dri'jen zo't vrogger was,
met die grote wieken dri'jend um hun as.
'n baken in de wiete ziet i'j daor den mól
malen ze weer rogge, tarwe, joa 't goeie spól

Niet nólen niet drammen kómt allemoal kloar,
i'j mot effen wachten misschien 'n paar joar.
Niet nólen niet drammen, kómt allemaoal goed,
de scholders d'r onder gin rare dingen doen. (2e refrein 2x)

Fiets i'j straks ow róndjen, deur den achterhoek,
bi'j de mól gezeten koffie drink met koek.
Wat is now nog mooier iets van vroeger heer,
op zo'n mooie plek daor kom i'j zeker weer.

Refrein

Bunt wi'j straks vergeten, rusten eeuwig uut,
jao dan wet ik zeker dat de mól 't duut.
Dan zegt onze kinder, hebt ze goed gedoan,
dat zo'n mooie mól veur altied blif bestoan.

Refrein

Terug